खोज

काठमान्डौ २२, नेपालभर  ३० जनामा हैजाको संक्रमण पुष्टि भएको छ।  इपिडिमियोलोजी तथा रोग नियन्त्रण महाशाखा (इडिसीडी)ले दिएको पछिल्लो जानकारी अनुसार नेपालमा  हैजा संक्रमितको संख्या  काठमान्डौ मा  २० जना सहित नेपाल भर  ३० जना मा देखिएको छ ।

इपिडिमियोलोजी तथा रोग नियन्त्रण महाशाखा अनुसार ललितपुर जिल्ला मा हैजाका सबैभन्दा बढी संक्रमित फेला परेका छन्। ललितपुर र काठमाडौँमा  गरी उपत्यका भित्र मात्र २० जनामा हैजा पुष्टि भएको  इडिसिडीले जनाएको छ। यसैगरी कैलालीमा आठ र प्युठानमा दुई जनामा हैजा संक्रमण पुष्टि भएको छ।

संक्रमितमध्ये सबैभन्दा बढी  ७ जना ५ देखि १४ वर्षका बालबालिकालाई  रहेको महाशाखाले जनाएको छ। १५ देखि २४ वर्षका ६ जना, २५ देखि ३४ वर्षका ४ जना, ३५ देखि ४४ वर्षका ५ जना, ४५ देखि ५४ वर्षका ५ जना , ५५ देखि ६४ वर्ष र  १४ वर्षमुनिका एक–एक जना हैजा देखिएको महाशाखाले पुष्टि गरेको छ।

हैजाबाट बच्नका लागि उमालेको वा क्लोरिन झोल हालेर शुद्धिकरण गरिएको पानी मात्र पिउन आग्रह गरिएको छ। खाना बनाउनु अघि र पछि,  दिसापिसाब गरेपछि र  फोहर चलाएपछि राम्रोसँग साबुनपानीले हात धुनुपर्दछ। सफा पानि खाने र सडेगलेको नखाने गर्नु पर्छ ।