खोज

काठमाडौँ,   प्रधानमन्त्री केपी शर्मा ओलीले डेंगी रोग नियन्त्रण गर्नका सवैमा अपिल गरेका छन् ।

प्रधानमन्त्री ओलीले भिडियो सन्देश जारी गर्दै नेपालका केही जिल्लामा हालसम्म पनि डेंगी रोगको प्रकोप कायमै रहेकोले नियन्त्रण गर्न सवैमा अपिल गरेका हुन् ।

प्रधानमन्त्री ओलीले हरेक शुक्रवार विहान १०ः बजे खोज र नस्ट गर अभियान देशब्यापी रुपमा संचालन गर्न सङ्घीय प्रदेश तथा स्थानीय तहका सरोकारवाला निकाय, निजामती कर्मचारी, सुरक्षा निकाय, शिक्षण संस्था, सामाजिक अभियान्ताका साथै सम्पूर्ण आम नागरिक समेतको सहभागिताको लागि अनुरोध समेत गरेका छन् ।

उनले डेंगी सार्ने लामखुट्टेको नियन्त्रणका लागि सबैभन्दा बढी प्रभावकारी मानिएको लामखुट्टेको प्रजनन स्थल जस्तै पानी जम्ने ठाउँहरु खोजेर लामखुट्टेका लार्भा÷प्युपा नष्ट गर्नुपर्ने बताएका छन् ।

“नागरिक स्वस्थ भएमा मात्रै समृद्ध नेपालको निर्माण सम्भव छ, त्यसैले डेंगी नियन्त्रणको यस अभियान सफल पार्न हामी आ–आफ्नो ठाउबाट सहयोग गर्न सबैमा अनुरोध गर्दछु,” उनले भने ।