खोज

काठमाडौं– स्वास्थ्य तथा जनसंख्यामन्त्री  पौडेलले सबै छरिएका स्वास्थ्य सहयोग कार्यक्रमहरुलाई स्वास्थ्य बीमा बोर्ड अन्तर्गत ल्याएर कार्यान्वयन गर्नुपर्ने बताएका छन्।

आज सातौं समामाजिक सुरक्षा दिवसको अवसरमा काठमाडौंमा  आयोजित  एक कार्यक्रमलाई सम्बोधन गर्दै  मन्त्रि ले  यस्तो बताएका हुन्।

उनले लक्षित वर्ग स्पष्टसँग छुट्याउनसके मात्रै लक्षित वर्गलाई थप सुविधा दिन सकिने स्पष्ट पारे। उहाँले नागरिकलाई दिने सेवा छिचोलेर नभइ एकीकृत गरेर प्रभावकारी ढंगबाट धेरै सुविधा दिनेतर्फ ध्यान दिन आवश्यक रहेको बताए।

उनले सामाजिक सुरक्षामा जस्तै स्वास्थ्य क्षेत्रमा छरिएर रहेका कयौँ कार्यक्रमलाई कानून संशोधन गरी एकीकृत गरेर स्वास्थ्य बीमा बोर्ड अन्तर्गत चलाउन आवश्यक रहेको बताए। सामाजिक सुरक्षा कोषबाट आफ्ना सदस्यका लागि सञ्चालित स्वास्थ्य सहयोग कार्यक्रममार्फतको सेवा स्वास्थ्य बीमा बोर्डबाट प्रदान गर्ने कार्यको थालनी गर्न  तत्काल आवश्यक रहेको स्वास्थ्यमन्त्री को भनाइ छ।