खोज

काठमाडौँ, २५ मंसिर । नेपालमा अंग प्रत्यारोपण गर्ने चिकित्सकहरुका दुई संस्थाबीच एकता हुने भएको छ ।

सोसाइटी अफ अर्गान ट्रान्सप्लान्टेशन (एनइएसओटी) र नेपाल ट्रान्सप्लान्टेसन सोसाइटी (एनटीएस) बीच एकता भएको हो । एकतापछि संस्थाको नाम सोसाइटी अफ अर्गान ट्रान्सप्लान्ट अफ नेपाल रहेको वर्तमान अध्यक्ष डा.पुकारचन्द्र श्रेष्ठले जानकारी दिए ।

एकतापछि बनेको संस्थाको पहिलो एक कार्यकाल तीन बर्ष डा. श्रेष्ठले नेतृत्व गर्ने छन भने त्यसपछि अर्को कार्यकाल (तीन बर्ष) डा. दिव्या सिंह शाहले नेतृत्व गर्ने सहमति भएको छ ।

संस्था अहिले दर्ता प्रक्रियामा रहेको छ । डा. शाहले नयाँ नेतृत्वको निर्वाचन गरि हस्तान्तरण गर्ने छिन् ।

दुवै संस्था एक भएर पहिलो पटक द हिमालय अंग प्रत्यारोपण अन्तराष्ट्रिय सम्मेलन यहि मंसिर २९ र ३० गते आयोजना गर्न थालेका छन् ।