खोज

बझाङ पुस २३, बझाङमा अस्पताल लैजाने क्रममा सुत्केरी महिला र नवजात शिशुको बाटोमै मृत्यु भएको छ ।

केदास्युँ गाउँपालिका वडा न ‍ -१ की २१ वर्षीया सविता बोहरा र उनिबाट जन्मिएको बच्चाको अस्पताल लैजाने क्रममा सोमबार बाटोमै मृत्यु भएको हो । स्थानीय महिलाहरुले प्रसूति गराउनका लागि बोकेर अस्पताल लैजाने क्रममा बोहराले बाटोमै बच्चालाई  जन्म दिएकी थिइन् ।

बच्चालाई  जन्मिएपछि धेरै रक्तश्राव भएर उनको मृत्यु भएको केदास्युँ गाउँपालिका- वडा न १ का वडाध्यक्ष वीरबहादुर भण्डारीले बताए का छन । उनकाअनुसार बच्चाको  पनि केही समयपछि मृत्यु भएको उनले बताए ।

कर्णाली र सुदुरपच्छिमका केहि  जिल्लाका दुर्गभ भेगमा समयमै गर्ववती महिलाहरुलाई  नजिकको स्वास्थ्य संस्थासम्म पुुगाउन नसक्दा बर्सेनि धेरै महिलाले ज्यान गुमाउन परेको छ ।