खोज

काठमाडौं- निजामती कर्मचारी अस्पतालको कार्यकारी निर्देशकका लागि सिफारिसमा परेका तीन जनाको नाम औपचारिक रुपमा सार्वजनिक गरिएको छ। निर्देशकका लागि आवेदन दिएका १० जनामध्ये प्रस्तूतीकरण र अन्तर्वार्ताका आधारमा तीन जनाको नाम सिफारिस गरिएको छ ।

संघीय मामिला तथा सामान्य प्रशासन मन्त्रालयको कर्मचारी कल्याण शाखाले सिफारिसमा परेका तीन जनाको नाम सार्वजनिक गरेको छ। मन्त्रालयले सार्वजनिक गरेको पत्र अनुसार कार्यकारी निर्देशकका लागि एक नम्बरमा डा. प्रमोद यादव दोस्रो नम्बरमा डा .रुद्र मरासिनी र तीन नम्बरमा डा. मोहनचन्द्र रेग्मीको नाम सिफारिसमा परेको छ।

अस्पतालका हालका निर्देशक डा .बिधान निधि पौडेलको कार्यकाल फागुन २५ गते (आज) बाट सकिँदै छ।