खोज

काठमाडौं । काठमाडौं मेडिकल कलेज (केएमसी) शिक्षण अस्पतालको नर्सिङ संकाय र कर्मचारीहरूको संयुक्त आयोजनामा अन्तर्राष्ट्रिय नर्सिङ दिवस २०२५ भव्य रूपमा मनाएकाे छ।

अस्पताल परिसरमा आयोजित विशेष कार्यक्रममा नर्सहरूका अथक योगदान र समर्पणको उच्च सम्मान गरिएको थियो। कार्यक्रममा प्रमुख अतिथिको रूपमा इन्दिरा शर्मा बरालको गरिमामय उपस्थिति रहेको थियो। कार्यक्रममा बोल्दै प्रमुख अतिथि बरालले नर्सहरूको सेवाभाव र बिरामीको हेरचाहमा उनीहरूको महत्त्वपूर्ण भूमिकाको प्रशंसा गरेकी थिइन् । उनले स्वास्थ्य सेवा प्रणालीलाई सुदृढ बनाउन नर्सहरूको लगनशीलता र व्यावसायिकता अपरिहार्य रहेको बताइन् ।कार्यक्रमको समापनमा अस्पताल प्रशासनले स्वास्थ्य सेवामा समर्पित सम्पूर्ण नर्सहरूप्रति कृतज्ञता ज्ञापन गर्दै उनीहरूको उज्ज्वल भविष्यको कामना गरेको थियो।