खोज

काठमाडौं,१० असार । आयुर्वेद चिकित्सा परिषद्ले ९ महिनापछि नेतृत्व पाएको छ ।

स्वास्थ्य मन्त्री प्रदीप पौडेलले ९ महिना पछि आयुर्वेद परिषद्को अध्यक्षमा डा. श्याममणि अधिकारी नियुक्त गरेका छन् ।

नेपालको स्वास्थ्य सेवामा ३३ वर्ष काम गरेका उनले आयुर्वेद र जडिबुटीका विषयमा पुस्तक समेत प्रकाशन गरेका छन् ।

यसैगरी परिषदको सदस्यहरुमा नरदेवी अस्पतालमा कार्यरत डा. ऐश्वर्य श्रेष्ठ, दाङको विजौरीमा रहेको प्रादेशिक आयुर्वेद चिकित्सालयमा कार्यरत डा प्रवेश श्रीवास्ताव र क्याम्पस प्राचार्यबाट कीर्तिपुर आयुर्वेद क्याम्पसमा कार्यरत डा शिवमंगल प्रसाद नियुक्त भएका छन् ।

परिषद्मा निर्वाचनबाट तीन जना सदस्य नियुक्त हुने व्यवस्था रहेको छ।

हाल निर्वाचन नभएका कारण ती सदस्यहरु भने रिक्त रहेका छन्। मनोनयन तर्फ पनि एक जना नियुक्त हुन बाँकी रहेको छ