© 2023-2024 सर्वाधिकार सुरक्षित healthsuchana.com
पोखरा ।
पोखरास्थित चरक अस्पतालमा उपचाररत एक वृद्ध महिलाको मृत्यु भएको छ। ती महिलामा कोरोना संक्रमण पुष्टि भएको गण्डकी प्रदेश स्वास्थ्य निर्देशनालयले जानकारी दिएको छ।
७४ वर्षीय महिलाको असार २५ गते गरिएको परीक्षणमा कोरोना पोजेटिभ देखिएको थियो। त्यसपछि उनलाई पोखराको चरक अस्पतालमा भर्ना गरी उपचार भइरहेको थियो।
स्वास्थ्य निर्देशनालय गण्डकीका महानिर्देशक डा. खिमबहादुर खड्काका अनुसार, ती महिलाको हिजो मृत्यु भएको हो। “कोरोनाका कारण मात्रै हो कि अन्य स्वास्थ्य समस्या पनि थिए, विस्तृत विवरण संकलन भइरहेको छ,” उनले भने।
गण्डकी प्रदेशमा जनवरीदेखि हालसम्म ८ जनामा कोरोना पोजेटिभ देखिएको छ। तीमध्ये ५ जना कास्की जिल्लाबाट रहेका छन्।
स्वास्थ्य विशेषज्ञहरूले पछिल्लो समय संक्रमण दर फेरि बढ्न सक्ने संकेत दिँदै सतर्क रहन आग्रह गरेका छन्। कोरोना संक्रमणका केसहरू फेरी देखिन थालेपछि स्वास्थ्य कार्यालयहरू सक्रिय भएका छन्।