खोज

काठमाडौँ, १२ साउन – स्वास्थ्य तथा जनसङ्ख्या मन्त्री प्रदीप पौडेलले वीर अस्पताल सुधार भए समग्र स्वास्थ्य सेवा क्षेत्रको सुधार सम्भव हुने बताएका छन्।

आज वीर अस्पतालको १३६औँ वार्षिकोत्सव समारोहमा सम्बोधन गर्दै मन्त्री पौडेलले राज्यले अस्पताल सुधारका लागि आवश्यक सबै प्रयास गर्ने प्रतिबद्धता जनाएका हुन्।

उनले भने, “वीर अस्पताल देशको केन्द्रीय अस्पताल मात्रै नभई स्वास्थ्य प्रणालीको नेतृत्वकर्ता पनि हो। यसको सुधारले सिंगो स्वास्थ्य क्षेत्रलाई दिशा दिन सक्छ।”

मन्त्री पौडेलले वीर अस्पतालको पूर्वाधार, सेवा, जनशक्ति र व्यवस्थापन सुधारमा सरकार गम्भीर रहेको उल्लेख गर्दै सुधारका योजनालाई यथाशीघ्र कार्यान्वयनमा ल्याइने बताए।

कार्यक्रममा मन्त्री पौडेलले स्वास्थ्य सेवा प्रणालीलाई जनमुखी, भरपर्दो र सर्वसुलभ बनाउने लक्ष्यमा वीर अस्पताल महत्वपूर्ण आधार बन्ने विश्वास व्यक्त गरे।