खोज

काठमाडौँ, २५ भदौ । सोमबार राजधानीमा भएको जेनजेडको प्रदर्शन हिंसात्मक बन्दा ज्यान गुमाएका मध्ये १६ जनाको शव पोस्टमार्टमका लागि त्रिवि शिक्षण अस्पताल, महाराजगञ्ज पुर्‍याइएको छ ।

अस्पताल प्रशासनका अनुसार अहिलेसम्म ल्याइएका शवलाई फ्रीजरमा राखिएको छ । सोमबारको प्रदर्शनका क्रममा १९ जनाले ज्यान गुमाएका थिए भने करिब ४ सयभन्दा बढी घाइते भएका छन् ।

घाइतेको उपचार काठमाडौंका विभिन्न अस्पतालमा भइरहेको छ । केहीको अवस्था गम्भीर रहेको स्वास्थ्य स्रोतले जनाएको छ । राजधानीमा अझै पनि थप झडप र तनाव हुने आशंका गरिएकोले सुरक्षाकर्मीलाई उच्च सतर्कतासहित खटाइएको छ ।