खोज

काठमाडौं, भदौ ३१ ।राजधानीमा जारी आन्दोलनका क्रममा घाइते भई निजामती कर्मचारी अस्पताल, मिनभवनमा उपचाररत व्यक्तिहरूमध्ये ६ जनाको मृत्यु भएको छ। अस्पतालले सार्वजनिक गरेको तथ्यांकअनुसार भदौ २३ गतेदेखि भदौ ३१ गते बिहान १० बजे सम्म कुल ४६१ जना घाइते अस्पताल पुगेका थिए।

तीमध्ये ४४ जनालाई अन्य अस्पतालमा रेफर गरिएको छ भने सामान्य उपचारपछि ३६६ जनालाई डिस्चार्ज गरिएको छ। अस्पतालमा ५१ जना घाइते भर्ना भएका मध्ये हाल ९ जना अझै उपचाररत छन्।

घाइतेमध्ये ५० जनाको शल्यक्रिया गरिएको र ११ जनाको पुनः शल्यक्रिया गरिएको अस्पतालले जनाएको छ।

अस्पतालको विवरणअनुसार हालसम्म उपचारका क्रममा ६ जनाले ज्यान गुमाएका छन्।