खोज

काठमाडौँ, २० असोज — लगातार वर्षा र पहिरोका कारण देशका विभिन्न स्थानमा सडक अबरुद्ध हुँदा सर्वसाधारणले स्वास्थ्य सेवा लिन कठिनाइ भोगिरहेका छन्। सडक अवरोधका कारण आपतकालीन बिरामीहरू काठमाडौँका अस्पतालसम्म पुग्न नसकेका छन्।

एम्बुलेन्सहरू समेत बाटोमै अलपत्र परेका छन्। बिरामी बोकेका केही एम्बुलेन्सहरू घण्टौँसम्म सडकमा अड्किएका छन् भने कतिपय स्थानमा बाटो नै खुलेको छैन।

स्थानीय नागरिकले बृद्ध, गर्भवती र गम्भीर बिरामीका लागि अत्यावश्यक स्वास्थ्य सेवा लिन नसक्ने अवस्था आएको बताइएका छन्। यस्तै, ग्रामीण स्वास्थ्य केन्द्रका कर्मचारीहरूले पनि औषधि र स्वास्थ्य सामग्री आपूर्ति अवरुद्ध भएको जनाएका छन्।

यातायात प्राधिकरणका अनुसार सम्बन्धित सडक खण्डमा डोजर र प्रहरी परिचालन गरी सडक खुलाउने प्रयास भइरहेको छ। तर निरन्तर वर्षाले काममा अवरोध पुर्‍याइरहेको जनाइएको छ।