खोज

काठमाडौँ, २५ असोज ।राष्ट्रपति रामचन्द्र पौडेल अचानक अस्वस्थ भई अस्पताल भर्ना भएका छन् ।

उनीलाई एक्कासी टाउको दुख्ने र वान्ता हुने समस्या देखिएपछि आज बिहान त्रिवि शिक्षण अस्पताल, महाराजगञ्जस्थित मनमोहन कार्डियो थोरासिक भास्कुलर एन्ड ट्रान्सप्लान्ट सेन्टरमा भर्ना गरिएको हो ।

राष्ट्रपति पौडेल आज बिहान शीतलनिवासमा जेन–जी युवाहरूसँग छलफल गर्दै थिए। छलफलकै क्रममा स्वास्थ्यमा समस्या देखिएपछि उनलाई तत्काल अस्पताल लगिएको राष्ट्रपति कार्यालयले जनाएको छ ।

जेन–जीका २२ जना अगुवासँगको वार्ता स्वास्थ्य समस्या देखिएपछि स्थगित गरिएको छ । हाल राष्ट्रपति पौडेलको स्वास्थ्य अवस्था स्थिर रहेको बताइएको छ ।