खोज

पोखरा, २५ असोज  पोखराको मणिपाल शिक्षण अस्पतालमा कार्यरत नर्सहरू तलब वृद्धि र सेवा–सुविधा सुधारलगायतका माग राख्दै पुनः आन्दोलनमा उत्रिएका छन्।

नर्सहरूले अस्पताल प्रशासनले बारम्बारको आश्वासन पालन नगरेको र आफ्ना माग बेवास्ता गरेको आरोप लगाएका छन्। उनीहरूले ‘हामी नर्स हौँ, मेसिन होइनौं’ भन्ने नारा लगाउँदै अस्पताल परिसरमा प्रदर्शन गरेका छन्।

नर्सहरूका अनुसार तलब वृद्धिको मागसहित कार्य वातावरण सुधार, जनशक्ति अभावको समाधान, र ओभरटाइम भुक्तानीको व्यवस्था गर्नुपर्ने मुख्य मागहरू हुन्।

यसअघि पनि उनीहरूले यस्तै माग राख्दै आन्दोलन गरेका थिए तर तत्कालका लागि वार्तापछि स्थगित गरिएको थियो। तर माग पूरा नहुँदा फेरि आन्दोलन सुरु गर्नुपरेको नर्सहरूले बताएका छन्।

अस्पताल प्रशासनले भने नर्सहरूको मागप्रति संवेदनशील रहेको र वार्तामार्फत समाधान खोज्ने बताएको छ