खोज

काठमाडौँ, २४ पुस : स्वास्थ्य तथा जनसङ्ख्या मन्त्री डा. सुधा गौतम र नेपालका लागि इजरायलका राजदूत स्मुलिम एरि बास शिष्टाचार भेटवार्ता भएको छ ।
आज मन्त्रालयमा आयोजित कार्यक्रममा उहाँहरुबीच भेटवार्ता भएको मन्त्रालयका प्रवक्ता डा. प्रकाश बुढाथोकीले जानकारी दिए ।
उनका अनुसार भेटका क्रममा नेपाल र इजरायलबीच स्वास्थ्य क्षेत्रमा द्विपक्षीय सहयोगको आदानप्रदानका विषयहरूमा विस्तृत छलफल भएको छ ।
भेटवार्तामा स्वास्थ्य मन्त्री डा. गौतमले इजरायलले आपतकालीन सेवा र विपद् व्यवस्थापनका क्षेत्रमा हासिल गरेको प्रगति उल्लेख गर्दै नेपाललाई पनि यस किसिमको सहयोगले नेपालको स्वास्थ्य प्रणाली सुदृढ गर्न भूमिका खेल्ने बताइन् ।
राजदुतले बासले नेपालको विपद व्यवस्थापनको प्रणालीगत विकास गर्न इजारायल सरकारले प्राविधिक सहयोग गर्ने प्रतिवद्धता व्यक्त गर्नु भएको मन्त्रालयका प्रवक्ता डा. बुढाथोकीले बताए ।