खोज

काठमाडौँ, २७ फागुन । स्वास्थ्य सेवा विभागको महानिर्देशकको जिम्मेवारी डा टंक बाराकोटीले पाएका छन् ।

स्वास्थ्य तथा जनसंख्या मन्त्री प्रदीप पौडेलले मन्त्रिस्तरीय निर्णय गर्दै मन्त्रालयमा अतिरिक्त सचिव रहेका डा. बाराकोटीलाई महानिर्देशकको जिम्मेवारी दिएका हुन् ।

यसअघि विभागको महानिर्देशक डा. विकास देवकोटा थिए । उनी सचिवमा बढुवा भएपछि उक्त पद खाली थियो ।

मन्त्रालयमा १२औं तहमा अतिरिक्त सचिव डा. बाराकोटी पनि डा. देवकोटासंगै सचिवको प्रतिस्पर्धामा रहेका थिए ।

स्वास्थ्य विभागमा महानिर्देशक रहेका डा विकास देवकोटा सचिवमा बढुवा भएपछि उक्त पद रिक्त थियो। मन्त्री पौडेलले रिक्त पदमा डा बाराकोटीलाई पठाउने निर्णय गरेको सचिवालयका एक कर्मचारीले जानकारी दिए।

डा .बाराकोटीले लामो समय काठमाडौं बाहिर बसेर सेवा दिएका छन्। उनी १२औं तहमा बढुवा भएपछि मात्र काठमाडौं आएका हुन्।