खोज

काठमाडौं । नेपाल डेन्टल साईन्स हाईजेनिस्ट एसोसिएसनले दन्त स्वास्थ्यको क्षेत्रमा कृयाशिल जनशक्तीलाई तोकिएको पारिश्रमिक कार्यान्वयनको माग गरेको छ ।

एसोसियसनका अध्यक्ष माइकल देवकोटाले विज्ञप्ती जारी गर्दै नेपाल सरकारले तोकेको पारिश्रमिक र श्रम ऐनको कार्यन्वयनको माग गरेका हुन् ।

विज्ञप्तीमा भनिएको छ, “दन्त स्वास्थ्यको क्षेत्रमा नेपाल स्वास्थ्य ब्यबसायी परिषद्मा दर्तावाल यसका सदस्यहरुले तहअनुसार फरक फरक कार्यसहित बिरामिको रोगको उपचारमा संग्लग्न हुन कानुनतः पाईने हुँदा नेपाल सरकारको ऐन बाट स्थापित परिषद् काउन्सिलले त्यसको निगरानि,आचार संहिता र कार्य निर्धारण समेत गर्ने ब्यबस्था भएको हुँदा नेपाल स्वास्थ्य ब्यबसायी परिषद ऐन २०५३ को दफा २० अनुसार दर्तावाल ब्यक्तिमात्र उपचारमा प्रत्यक्ष वा अप्रत्यक्ष सहभागि हुने ब्यबस्था रहेको हुँदा दर्तावाल ब्यक्तिबाहेक अन्यलाई काममा संग्लन नगर्न नगराउन जोडदार माग गर्दछौ । साथै नेपाल सरकारले तोकेको पारिश्रमिक र श्रम ऐनको कार्यन्वयन को लागी कार्यन्वयन को लागी नेपाल सरकार र सम्बन्धित सँग माग गर्दछौ । ”

नेपाल स्वास्थ्य ऐन तथा निजि स्वास्थ्य संस्था स्थापना संञ्चालन निर्देशिका २०७७ लगायत नेपालको ऐन नियमावली र निर्देशिकाले प्रत्येक डेन्टल हस्पिटल ,डेन्टल युनिट ,डेन्टल सेवा प्रदायक अस्पतालहरुमा नेपाल स्वास्थ्य ब्यबसायी परिषद्बाट दर्ता भई लाईसेन्स प्राप्त जनशक्ति अनिबार्य राख्नु पर्ने कानुनि ब्यबस्था गरेको छ ।

सोहि अनुरुप इन्टरनेशनल हस्पिटल लगायत सम्पर्ण डेन्टल अस्पताल,अस्पताल, डेन्टल युनिटमा, डेन्टल कलेज,प्रतिष्ठानमा पनि परिषद् वा काउन्सिलमा दर्तावाल दन्त जनशक्ती माग गरी सरकारी स्केलको तलब सुबिधाको सुनिस्चितता बैङ्किङ प्रणालीबाट गरे पस्चात मात्र क्लिनिक अस्पताल नबिकरण गराउन अनिबार्य गर्न एसोसियसनले माग गरेको छ । देशभर ३२ सय दन्त जनशक्ती छन् । उनीहरुले सात हजारदेखि १२ हजार रुपैंयासम्म पारिश्रमीक लिएर काम गर्न वाध्य छन् ।