खोज

काठमाडौँ। काठमाडौँको टेकुस्थित सहिद शुक्रराज ट्रपिकल तथा सरुवा रोग अस्पतालको कार्यकारी निर्देशकमा डा. अनुप बाँस्तोला नियुक्त भएका छन्।

स्वास्थ्यमन्त्री डा. सुधा गौतम शर्माले बास्तोलालाई निर्देशक पदमा नियुक्त गरेकी हुन्। स्वास्थ्यमन्त्री शर्माले निर्वाचन आचारसंहिता लाग्नुअघि गत माघ ४ गते मन्त्रिस्तरीय निर्णय बास्तोलालाई टेकु अस्पतालको जिम्मेवारी दिएको मन्त्रालयले जनाएको छ।

टेकु अस्पतालमा निर्देशक रहेका डा. युवानिधि बसौलालाई गण्डकी प्रदेशको स्वास्थ्य सचिवमा सरुवा भएका छन्। उनलाई संघीय मामिला तथा सामान्य प्रशासन मन्त्रालयको प्रस्तावमा मन्त्रिपरिषद्ले सरुवा गरेको थियो।

कोभिड-१९ को समयमा टेकु अस्पतालमा निर्देशक रहेका डा. बास्तोला त्यसपछि भने विभागका विभिन्न निकायमा रहेका थिए। टेकु अस्पतालमा नै दरबन्दी रहेको बास्तोला निर्देशक पद नपाएका कारण स्वास्थ्य मन्त्रालयमा लामो समयदेखि बसिरहेका थिए।